ஷங்கர் படத்தில் விரைவில் நடிப்பேன்: அர்னால்டு

                          

இயக்குனர் ஷங்கர் இயக்கத்தில் விக்ரம், எமி ஜாக்ஸன் நடித்த ''ஐ'' திரைப்பட இசை வெளியீட்டு விழா நேற்று சென்னை நேரு உள்விளையாட்டு அரங்கில் நடைபெற்றது. இந்த நிகழ்ச்சியில் சிறப்பு விருந்தினர்களாக ஹாலிவுட் நடிகர் அர்னால்டு மற்றும் சூப்பர் ஸ்டார் ரஜினி ஆகியோர் கலந்து 
கொண்டனர். 

இந்த படத்தின் பாடல்களுக்கு ஏ.ஆர் ரஹ்மான் இசையமைத்துள்ளார்.

இந்த படத்தின் இசை வெளியீட்டு விழாவில் பேசிய ஹாலிவுட் நடிகர் அர்னால்டு ''நான் இயக்குனர் ஷங்கரின் திரைப்படங்களை கண்டு வியக்கிறேன், அவரது படத்தில் நடிக்க ஆசைப்படுகிறேன், விரைவில் நடிப்பேன்'' என்று கூறினார். இசை வெளியீட்டு விழாவில் ''ஐ'' படத்தின் டீஸரும் வெளியிடப்பட்டது. நேற்று இரவு வெளியிடப்பட்ட இந்த டீஸரை இதுவரை 9.60 லட்சம் பார்த்து இந்த வீடியோ வைரலாகியுள்ளதும் குறிப்பிடத்தக்கது.