இடி,மின்னல் ஏற்படும் போது மொபைல் போன் USE செய்ய வேண்டாம்! எச்சரிக்கை பதிவு!

                   

மொபைல் போனில் பேசிய போது விபரீதம் மின்னல் தாக்கி 3 பேர் பலி; 6 பேர் காது பாதிப்பு!

திருநெல்வேலி:நெல்லை அருகே மேலகூனியூரில் மின்னல் தாக்கி தொழிலாளர்கள் மூன்று பேர் இறந்தனர். ஆறு பேர் காது கேட்கும் திறனை இழந்தனர்.

திருநெல்வேலி- அம்பாசமுத்திரம் சாலையில் உள்ளது மேலகூனியூர். இங்குள்ள அம்மன்கோயில் தெருவை சேர்ந்த தொழிலாளர்கள் 12 பேர் நேற்று விடுமுறை தினத்தில், கிராமத்திற்கு ஒதுக்குப்புறமான கட்டடத்தில் கோழிக்கறி சமைத்து சாப்பிட்டனர்.மதியம் 2:45 மணிக்கு, கூனியூரில் மின்னலுடன் மழை பெய்தது.

ஒதுக்குப்புறமான வீட்டில் இருந்த தொழிலாளர்களில் சிலர் மொபைல் போனில் பேசினர். அப்போது மின்னல் தாக்கி செந்தில்வேல்முருகன், 26, முருகன், 31, அதே இடத்தில் இறந்தனர். விஜய், 19, இசக்கிராஜ், 45, உள்ளிட்ட சிலர் சிகிச்சைக்காக நெல்லைக்கு கொண்டு செல்லப்பட்டனர். செல்லும் வழியில் விஜய் இறந்தார்.

இந்த சம்பவத்தில் கட்டடத்தில் இருந்த 6 பேரின் காது கேட்கும் திறன் இழந்தனர். பலியான முருகன், செந்தில்வேல்முருகனுக்கு திருமணமாகிவிட்டது. மூவர் இறந்தது அந்த கிராமத்தில் சோகத்தை ஏற்படுத்தியுள்ளது.

எனவே இடி,மின்னல் ஏற்படும் பொது மொபைல் போன் செய்ய வேண்டாம்! இது நேரடியாக உங்களை தாக்கும்.