கின்னஸில் இடம்பெறவுள்ள சவூதி தேசியக் கொடி!
சவூதி அரேபியாவின் தேசிய தினம் வரும் செவ்வாய்க்கிழமை கொண்டாடப்படவுள்ளது.
இதற்கான் ஏற்பாடுகள் மும்முரமாக நடைபெற்று வருகின்றன அதன் ஒரு பகுதியாக சவூதி அரேபியா ஜித்தாவில் உலகிலேயே அதிக உயரம் கொண்ட தேசியக் கொடி ஏற்றப்படவுள்ளது. இதற்காக தயாராகியுள்ள கொடிக்கம்பத்தின் உயரம் சுமார் 170 மீட்டர் எனக் கூறப்படுகிறது.
மேலும் இதில் ஏற்றப்படவுள்ள சவூதி தேசியக் கொடியின் எடை 570 கிலோ. இதுவே உலகின் அதிக எடையுள்ள தேசியக் கொடியாகும்.
ஜித்தாவின் பிரதானப் பகுதியான கார்னிச் பீச்சிற்கு அருகில் உள்ள ரவுண்டபோட்டில் இந்த கொடி ஏற்றப்படவுள்ளது. இந்த தேசியக் கொடிக் கம்பம் கின்னஸ் உலக சாதனைப் புத்தகத்தில் இடம்பெறவுள்ளதாகக் கூறப்படுகிறது.
